Lajm i trishtë, ndahet nga jeta pedagogu i madh shqiptar

Lajm i trishtë, ndahet nga jeta pedagogu i madh shqiptar Bujar Mane

Një lajm i trishtë ka ardhur nga bota e akademisë në vendin tonë në këtë fillim viti, teksa ish-pedagogu dhe profesori i njohur Bujar Mane është ndarë nga jeta ditën e sotme.

Lajmi për ndarjen nga jeta të profesor Bujar Manes është bërë i ditur nga Universiteti Bujqësor i Tiranës (UBT) përmes një njoftimi zyrtar në rrjetet sociale.

Kontributi i profesor Bujar Manes

Mane ishte një nga profesorët më të rëndësishëm të UBT, ku për vite me radhë ka dhënë kontribut në formimin e brezave të rinj të specialistëve. Ai ishte nderuar me gradën “Kandidat i Shkencave”.

Në njoftimin e publikuar, UBT i ka shprehur ngushëllimet më të sinqerta familjarëve, kolegëve dhe miqve të tij.

Karriera dhe jeta profesionale

Profesor Bujar Mane ka qenë pjesë e trupës akademike të Fakultetit të Mjekësisë Veterinare, ku ka kontribuar veçanërisht në fushën e Biokimisë Veterinare. Ai ka lënë një gjurmë të rëndësishme në arsimin e lartë shqiptar.

Pas një karriere të gjatë akademike, ai kishte dalë në pension në vitin 2011.

Postimi i plotë i UBT

Universiteti Bujqësor i Tiranës dhe Fakulteti i Mjekësisë Veterinare shprehin hidhërimin e thellë për ndarjen nga jeta të Prof. Dr. Bujar Mane, një nga figurat e shquara të mësimdhënies dhe kërkimit shkencor në fushën e Biokimisë Veterinare.

U prehtë në paqe. Ngushëllime familjes, kolegëve dhe të gjithë atyre që e kanë njohur.